Министерот за економија, Крешник Бектеши, пред медиумите објави дека од денеска операторот на системот за пренос на гас ГА-МА и АД НЕР, претпријатието кое ги гради магистралните гасоводи во земјата, ќе се спојат правно-формално како еден оператор.
– После 30 години можеме да ја објавиме веста дека се формира нов правен субјект, ново трговско друштво кое во нашата држава во иднина ќе го развие системот на гасификација и на таков начин нашата држава ќе стане уште понезависна во делот на снабдување со природен га, рече Бектеши.
Тој им честиташе на двајцата директори, како што рече, на добро завршената работа, и дека системот за гасификација и оперирање ќе биде во сопственост на граѓаните.
– Таа една компанија ќе биде многу поуспешна, профитабилна и, секако, ќе влијае во независноста со снабдувањето со природен гас, додаде министерот.
