Бугарската академија на науките објавува национален повик за зачувување на моќниот столб на нашиот национален идентитет – бугарскиот јазик. По повод денешниот празник, 24 Мај, академијата објави соопштение во кое вели дека со голема загриженост ја следи состојбата на јавниот говор.
„Светиот јазик на нашите предци“ денес е тешко деформиран од масовното непочитување на неговите основни правила и силно загаден од непотребни странцизми, за кои постојат прекрасни бугарски зборови.
Сведоци сме на систематско потценување на односот помеѓу јазикот, литературата, историјата, културата и нивното значење за општествениот развој.
Сè повеќе оние што се занимаваат со бугарскиот јазик и бугарската култура неправедно го губат престижот во општеството, а општеството ја губи чувствителноста на нападите врз јазикот, на неприфатливите начини на кои говорот се користи во јавниот простор“.
…Нашата грижа за правилен бугарски говор произлегува од првобитната мисија на Бугарската академија на науките за зачувување на бугарскиот јазик и бугарскиот говор, бугарското образование, духовност и култура, јавниот морал и националниот вредносен систем, уверуваат од Бугарската академија на науките.
