Американскиот претседател Џо Бајден речиси цел месец не бил информиран дека неговиот началник на одбраната, Лојд Остин (70), има рак на простата, соопшти Белата куќа, признавајќи дека доцнењето на ваквата информација е грешка.
Претседателот Џо Бајден не размислува да го отпушти секретарот за одбрана Лојд Остин, откако Белата куќа не била информирана за неговата итна хоспитализација, изјавија четворица високи претставници на администрацијата за Политико.
„Претседателот беше информиран од началникот на кабинетот рано утринава“, рече портпаролот на Советот за национална безбедност Џон Кирби на брифинг.
На Остин му беше дијагностицирана дијагноза на почетокот на декември и беше опериран на 22 декември, пред да биде хоспитализиран со компликации на 1 јануари, претходно соопшти Пентагон.
Белата куќа, исто така, не била информирана дека шефот на одбраната бил во болница и на интензивна нега, од 1 до 4 јануари, и тоа токму во време на висока тензија на Блискиот Исток и во Украина.
Белата куќа инсистира на тоа дека Бајден, кој бара втор мандат на изборите во ноември, ја контролирал својата влада иако не бил свесен за дијагнозата на Остин до 9 јануари.
„Не е нормално ваквата ситуација да трае онолку долго колку што тоа траеше без главниот командант или советникот за национална безбедност, или искрено други лидери во Министерството за одбрана, да не знаат за тоа“, рече Кирби за време на брифинг во Белата куќа.
