Американскиот претседател Џозеф Бајден ја оспори изјавата на украинскиот претседател Володимир Зеленски дека ракетата што паднала во Полска не била од украинско потекло.
Зеленски вчера изјави дека е убеден оти експлозијата во која загинаа две лица во Полска не е предизвикана од ракета од Украина.
„Тоа не е доказ“, им рече Бајден на новинарите во Белата куќа по враќањето од патувањето во Азија, пренесоа медиуми.
Зеленски упорен и Контра НАТО:Ракетатат што падна во Полска не била украинска
„Немам дилема, тоа не е наша ракета“, изјави Зеленски за украинските медиуми, пренесува Ројтерс.
Генералниот секретар на НАТО Јенс Столтенберг вчера изјави дека истрагата за падот на ракетата на територијата на Полска е во тек, но дека прелиминарните анализи „сугерираат дека инцидентот најверојатно бил предизвикан од украинска ракета за противвоздушна одбрана“.
