„Светиот архиерејски синод на Македонската православна црква – Охридска архиепископија ги оценува како нерелевантни податоците од пописот на населението, особено во врска со религиозната припадност, заклучувајќи дека постои сериозна статистичка грешка, која во случајот опфаќа 13, 4 отсто од населението“ – пренесува весникот „Нова Македонија“.
„Разгледувајќи ги официјaлните резултати на пописот на населението, Синодот на Македонската православна црква – Охридска Архиепископија (САС на МПЦ-ОА), изразува сомневање во неговата статистичка прецизност.“ – се наведува во соопштението на САС на МПЦ-ОА.“
„Оттаму посочуваат дека применетата методологија во графата ‘религиска припадност’ не разликува припадност на религија (христијанство, ислам, јудаизам итн.), на вероисповед (православно христијанство, сунитски ислам, хасидски јудаизам итн.) и на црква или верски заедници/групи (Македонска православна црква, Исламска верска заедница, Еврејска заедница итн.).“
„Ова ги прави презентираните резултати конфузни, а со тоа и неточни, затоа што не ја одразуваат реалната состојба на верска припадност во земјата. Во оваа насока останува неодговорено прашањето: зошто вероисповедта како избор не е дадена само кај една од религиите присутни во македонското општество, а очигледно е дека и таму постои варијантност?!“
„Синодот смета дека постои проблем не само во методологијата, туку можеби и некои од попишувачите недоволно ги упатувале граѓаните во можностите за изјаснување, а очигледно е дека опциите постоеле?!’ – се вели во соопштението од Синодот на МПЦ.“
„Оттаму велат дека исто така, повод за сомневање во точноста на пописот е и непопишувањето на православните Македонци по светот, што веројатно беше резултат на отсуството на комуникација со нив на надлежните институции од татковината, за разлика од посетите на некои министри меѓу иселените припадници од малцинствата. ‘Светиот архиерејски синод на Македонската православна црква – Охридска архиепископија со соопштение од 13.9.2021, а по претходна реакција од верници, упати апел во јавноста ‘православните христијани да се попишуваат како православни, а не само како христијани.’ – пишува во соопштението.“
„САС на МПЦ-ОА ги вреднува како нерелевантни податоците од пописот на населението, особено во делот за религиозната припадност, со заклучок за постоење на сериозна статистичка грешка, која во случајот опфаќа 13, 4 отсто од населението.“
