По изнесените наводи за, наводно, зголемување на имотот на сдемејството на првиот вицепремиер, Артан Груби, Државната комисија за спречување на корупцијата, пред неколку денови, отворила предмет.
ВМРО-ДПМНЕ за локалот купен од семејството на Груби
„По предметот се постапува и штом ќе имаме конкретни информации, ќе ги споделиме со јавноста“, велат од Комисијата објави „Слободен печат“.
Информации за имотот на семејството Груби беа објавни во дел од медиумите, а деновиве со конкретни обвинувања излезе и пратеникот и член на ИК на ВМРО-ДПМНЕ Миле Лефков.
„Граѓаните во Скопје, за 700 евра по метар квадратен, не можат да купат ниту гаража, а не пак супер луксузен локал. Очигледно Артан Груби е фатен во небрано и затоа од една лага влегува во нова“, рече Лефков во врска со локалот на улица „Македонија“ кој, според зборовите на Груби, бил купен за 100.000 евра.
