Поради асфалтирање, денеска од 08:00 – 18:00 часот ќе биде затворена за сообраќај делницата Велес – Градско, во близина на винарија Стоби, соопшти АМСМ.
Сообраќајот на останатите државни патишта се одвива непречено, по наместа влажни коловози.
Се препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони.
Ова посебно се однесува за делниците Катланово-Велес, Маврово-Дебар-Струга, Виница-Берово и Кочани-Делчево.
