Соединетите Држави распоредија втор носач на авиони во Средоземното Море „за да ги одвратат непријателските дејствија против Израел или какви било напори за проширување на оваа војна“, изјави синоќа американскиот секретар за одбрана Лојд Остин.
Тој додаде дека присуството на „УСС Ајзенхауер“ и неговите придружни воени бродови во источниот Медитеран ја сигнализира цврстата посветеност на Вашингтон за безбедноста на Израел и одлучноста да го одврати секој државен или недржавен актер кој сака да ја ескалира оваа војна.
„Ајзенхауер се приклучува на нападната група носачи „УСС Форд“, која пристигна претходно оваа недела како дел од нашите напори да ги спречиме непријателските дејства против Израел или какви било напори за проширување на оваа војна по нападот на Хамас“, рече Остин.
