Амбасада на Руска Федерација во Република Македонија го честиташе големиот македонски празник Илинден на самиот почеток на 2 август (веднаш по полноќ), кога пред 115 години во Крушево беше кренато востанието против османлиската власт.
„#Илинден е концентриран израз на непокорот, националната гордост и родољубието на Македонците! Нека е вечен празникот! За многу години!“, се вели во честитката од руската амбасада на „Твитер“.
Споменувајќи Македонци во контекст на Илинденското востание, дипломатското претставништво на Русија (не)намерно се замеша во работата на заедничката комисија меѓу Македонија и Бугарија за историски и образовни прашања…
