Алексис Ципрас, првиот грчки премиер кој доаѓа во официјална посета на земјава, во вторник, 2 април, ќе пристигне на скопскиот аеродром придружуван од делегација од 70 бизнисмени.
Премиерите Зоран Заев и Алексис Ципрас ќе имаат билатерална средба, а потоа и заедничка прес-конференција во Владата.
Според најавите, Ципрас ќе се сретне и со претседателот на Собранието Талат Џафери
Нема најави дека грчкиот премиер ќе се сретне и со претседателот Ѓорѓе Иванов.
Во попладневните часови премиерите Заев и Ципрас ќе учествуваат на бизнис форумот на кој ќе учествуваат претставници на грчки и македонски компании.
По потпишувањето на Преспанскиот договор, Ципрас заедно со македонскиот колега на кратко престојуваше на македонска страна од Преспанското Езеро.
