„Во интервју за емисијата ‘Аргумент плус’ на РТВ 21 лидерот на ДУИ Али Ахмети ги нарече ‘шпекулации и лажни вести’ изјавите дека ‘ДУИ и СДСМ имале првичен договор за резултатот од пописот на населението’.“ – јави информативната агенција на албански јазик „Журнал“.
„Журнал“ ги пренесува ставовите кои Ахмети ги изнесе во интервјуто: „Не сакам да се изјаснувам за шпекулации и за тези за заговор. Ова воопшто не стои, не вреди ниту да го анализирате тоа прашање. Нема ништо вистинито во оваа насока.“
„Ахмети рече дека сите овие шпекулации ги прават оние кои сакаат да добијат политички поени од целиот процес.“
„Сите оние кои сакаат да профитираат политички од оваа ситуација, сигурно е дека тие ги измислуваат овие легенди и лажни вести, овие шпекулации и завери.’ – нагласи лидерот на ДУИ Ахмети.
„Најавено е дека целото интервју со Али Ахмети ќе биде емитувано утре во 21,30 часот на РТВ 21 во Косово.“
