Претседателот на ДУИ, Али Ахмети денеска по лидерската средба изјави дека зборувале за иднината на земјата и обидите за градење на заеднички ставови.
Вели дека на крајот на декември завршува скринингот и треба на почетокот на следната година да се одржи меѓувладината конференција, односно Македонија да почне да ги отвора поглавјата.
„Се надевам дека оваа средба нема да биде последна, туку да се продолжи до приближување на разликите кои постојат меѓу политичките партии“, рече Ахмети.
Вели дека треба да ја замениме денешницата со прогрес во иднина. Рече дека доминирала смиреност и рационалност.
„Посакувам оваа смиреност да продолжи до приближување на разликите помеѓу мнозинството и малцинството“, рече Ахмети.
Тој сфаќа дека не е лесно, но повика на разумност и рационалност. Вели дека не треба да се отвораат прашања кои му припаѓаат на минатото.
„Секое минато кое се отвора не служи на иднината“, вели Ахмети.
Кажа дека ние сме тие кои сакаат да бидат дел од Европската Унија(ЕУ) и нам ни се поставуваат услови за членство.
