Претседателот на интегративците, Али Ахмети синоќа пред граѓаните и симпатизерите од Охрид рече дека кампањата започна од Преспа и завршува во Охрид од каде упати порака на 15 јули да излезат и да гласаат за бројот 9.
„Покажете кои сте и колку вредите. Ве повикувам како браќа на 15 јули да се испее новата песна, заедно да ја прославиме првата победа за премиерот Албанец кој сите ќе не зближи и обедини. Достоинствен претставник за сите граѓани на ова земја”, апелираше Ахмети.
