Жарко Стефаноски, адвокат од Прилеп најави повлекување од матичниот комитет на СДСМ во Прилеп поради, како што вели, недостиг на можност за напредување во партиската хиерархија и на волја за соработка и имплементација на нови стратегии.
„ Активностите и политиките на огранокот би требало да бидат рефлексија на генералните политики на партијата, но со оглед на актуелните политички случувања и политички резултати на локално ниво не е случај. Поради погоре наведените причини сметам дека мојот партиски ангажман до денес, освен што е злоупотребен заради исполнување на лични цели на поединци и групи кои егзистираат низ внатрепартиските органи на огранокот, воопшто не е искористен заради реално имплементирање на генералните цели и политики на партијата“, објаснува адвокатот.
Името на Стефановски се споменуваше како еден од можните кандидати на СДСМ за градоначалник на Прилеп, но и како еден од претендентите за нов претседател на прилепскиот огранок на партијата во рамки на „метлата“ што ја најави премиерот Зоран Заев, но не ја доби довербата од партијата.
