Австралиските власти наредија затворање на амбасадата на земјата во Киев и веднаш го евакуираа нејзиниот персонал поради „влошената безбедносна ситуација“ во Украина, се вели во соопштението на австралиското Министерство за надворешни работи, пренесе The Sydney Morning Herald.
Австралиското МНР соопшти дека ќе ја премести амбасадата во привремена канцеларија во Лавов.
Исто така, се советува австралиските граѓани веднаш да ја напуштат Украина, бидејќи „безбедносните услови може наскоро да се променат“.
