Новинарката Јорданка Ивановска Јоци открива дека примила заканувачка порака од сопругата на новинарот Томислав Кежарoвски откако вчера го критикуваше нејзиниот сопруг за некултура во комуникацијата со Бранко Героски.
Пораката „Не знаеш со кого си имаш работа“ во скопскиот сленд значи дека тој што ја упатува мисли дека е многу моќен и дека може да реагира и да преземе чекори со цел да се нанесе штета на тој кому што му е упатена.
Ивановска открива дека дека кога Кежаровски бил апсен во времето на минатата влада сопругата на новинарот барала и добила помош и од неа и од Героски.
Целиот статус на Ивановска:
„Откако Томислав Кежаровски, вчера, не го испочитува Геро со некој убав збор на повикот за протест (не да доаѓа, пошто ни јас не бев), а јас тоа го посочив јавно како врвна некултура и нечовечност кон некој кој ти помагал, таа денеска ми порачала – дека не сум знаела со кого си имам работа !?
Еве, се притресов од Козле до Лисиче.
Не, стварно, ќе ме тепаш на некое пазарче док купувам ситна боранија ?
Не сфаќам.
Во суштина стварно ми се гади од луѓе кои немаат почит.
Браво, многу била јака . И сакам јавноста да чита колку е ,,јака” женава откако маж и` се фати за микрофон на изборни митинзи на СДСМ.
Треба да знае јавноста, за утре никој веќе да не им крене телефон кога пак ќе ги нализгаат.
Туку, точно знам со кого си имам работа, за мене двајцата сте нелуѓе. Одамна. Онакви, кои, ни фала не знаат да кажат. Добрите луѓе ве извлекоа од црна дупка, а денеска им се курчите.
А, јас пак добричина, па напати и глупа и наивна, мислам дека сите се како мене.
Туку, Геро, прв објави за апсењето, а јас му се јавив бидејќи ми плачеше Марина Кежаровска и ми вртеше по десет пати на ден, со месеци. А, јас ја информирав јавноста. И имено Геро има голем придонес со Милчин во протестите кои доведоа до негово ослободување од притвор.
Чесно е да се каже.
Не знам дали станува збор за истата Марина, која, ми се јави утрината кога го уапсија маж и`, а многу вечери ме викаше за да и’ давам разни совети, но мислам дека ова е некоја друга Марина. Некоја…која се изгубила себеси на најтажен можен начин по ходниците на власта, која, го користи маж и’ за пропаганда.
А, пред неколку години ете, случајно, го свртела прво мојот број.
Да бидеме чесни, Марина, ти точно знаеше каде да свртиш. А, на друго место не можеше, пошто никој жив не ве знаеше.
И конечно, јавноста треба да знае. Принципелно не можеме да замижуваме пред она кое е јавен интерес, а станува збор за слични случаи.
Ако бидеме чесни пред себеси, делото на Кежаровски беше далеку потешко од она на оној Митовски со објавување на една страница од записник (имено која ништо не ни немаше ко јака информација).
Ниту јас ко Геро не се сложувам со објавување на записници кои се службени тајни, во двата случаи.
Моето инфо е дека многу луѓе пред Митовски одбиле. Но, ете, он сакал да се докажува. Па, бар да го објавеше цел записник…
Геро, вчера, принципелно се надмина себеси, а јас не успевам во тоа, да отидам на протест против тортурата од оваа власт, пошто имам сериозен проблем со грујовата аура на тие луѓе.
Кежаровски, исто обелодени записник, но и идентитет на заштитен сведок. И му висеа врз глава многу години затвор. Но, бидејќи, Груевски беше притиснат од студентски протести кои се претопија во одреден миг со новинарски, случајот омекна.
Се` друго е историја.
П.С : Ова не е приватен статус, напротив многу јавен и може кој сака и каде сака да го пренесува.
Нема ништо приватно на ФБ, како што е во филм Кежаровска.
