Наместо да се врати во Обвинителството за гонење на организиран криминал и корупција, обвинителката Лиле Стефанова, ќе биде вратена на работа во Обвинителството во Радовиш.
Ова од причини што Советот на јавните обвинители констатирал дека мандатот во организиран и истекол, а дека во Радовиш и бил во мирување.
Покрај Стефанова, во внатрешноста ќе се вратат и обвинителите на СЈО Елизабета Јосифовска во Гостивар, Стевче Донев во Кочани, Бурим Рустеми во Куманово, а обвинителот Љубомир Лапе во Куманово или Крива Паланка, каде што беше в.д. шеф.
Обвинителите Ленче Ристоска, Фатиме Фетаи, Гаврил Бубевски, Трајче Пеливанов и Ајтан Ајро, ќе се вратат во Скопското јавно обвинителство, пренесе Фокус.
