Министерот за внатрешни работи, Оливер Спасовски за МИА изјави дека се работи интензивно на случајот „Рекет“, по наредби на Јавното обвинителство за организиран криминал и корупција.
Според Спасовски се преземаат активности што треба да дадат одговор на сите прашања во истрагата, но оти не може да се споделуваат повеќе информации бидејќи истрагата е во тек.
„Меѓутоа, едно треба да бидеме сигурни и воедно ја убедувам јавноста дека докрај ќе се расчисти тој случај и дека без разлика кој е учесник во таков случај – дали е политичка личност, дали е која било јавна личност или е обичен граѓанин, а кој учествувал во вакви активности – докрај ќе биде санкциониран, изведен пред лицето на правдата“, изјави министерот Спасовски за МИА.
