Пожарникари од Велес, Свети Николе, Штип, Кавадарци, Неготино и Скопје, припадници на АРМ, вработени во ЈП „Македонски шуми“ и од велешкото јавно комунално претпријатие „Дервен“, два авиони на Дирекцијата за заштита и спасување (ДЗС) и еден армиски хеликоптер, рано утрово успеаја да го локализираат големиот пожар што вчера изби кај велешкото Езеро „Младост“, јави МКД.МК.
Во огнената стихија изгореа 200 хектари борова шума, зафатени биле 400 хектари, изгоре и една викендичка и една свињарска фарма.
Пожарот бил предизвикан поради невнимание при работа со брусила на приватен објект, за што се приведени 4 лица.
