Лидерот на ВМРО-ДПМНЕ, Христијан Мицкоски, во денешното гостување на Алфа ТВ рече изјави дека очекува следно сценарио на власта да биде неговото апсење.
Зборувајќи за последното апсење ма десетина лица, меѓу кои и поранешни функционери на ВМРО-ДПМНЕ, Мицкоски рече дека веќе има план во случај на негово апсење.
“Мислам дека во тие сценарија ќе биде некој план за приведување на претседателот на ВМРО-ДПМНЕ, на лидерот на опозицијата и другите блиски соработници околу него. Ја користам приликата да апелирам до граѓаните и оние во раководството на ВМРО-ДПМНЕ кои ќе останат, да продолжат да се борат да не носат одлуки под емоција”, рече Мицкоски.
Тој е уверен дека е предмет на следење од страна на полициски службеници во Министерството за внатрешни работи.
“Имам јасен план во таков случај, свесен сум дека може до тоа да дојде, сум разговарал со луѓе од моето семејство дека со Заев и луѓето околу него се може да се очекува. Па и тоа да дојдат да ме приведат, ова е апел до луѓето кои се врткаат од специјална единица од МВР околу мојата куќа со изговор дека го набљудуваат училишниот двор во близина на мојот дом. Знам која е целта на оваа деспотаска власт”, изјави Мицкоски.
