Долго време сум во политиката, но никому, без разлика на која партија, вера или социјална категорија припаѓа, без разлика на различното мислење, никому не сум му упатил закана, смртна клетва или зломисла за штета на неговиот живот или здравје, напиша Антонијо Милошоски како реакција на скандалозниот и морбиден пост на фејсбук во врска со неговата одлука да го пречкрта „Северна“ на неговиот беџ за присуство на ПССЕ во Стразбур.
Затоа, продолжува Милошоски, барам од вас г-не Заев, како премиер, но исто така и од министерот Спасовски, од Јавниот обвинител Јовевски, да се оградите од ваквиот говор на омраза и морбидни закани на вашите поддржувачи, ЈО и МВР да превземат законски мерки за нивно санкционирање, а вие како премиер да дадете личен придонес за создавање на една нормална политичка атмосфера…
Овие избори не се ни први, ни последни. Нема потреба од нервоза, говор на омраза и закани. Секој нека биде слободен да каже што мисли, да постапи како мисли дека треба, да критикува или да пофали.., а на крајот нека победи подобриот, односно подобрата!- напиша претпладнево Милошоски на Фејсбук.
