„Да не се залажуваме. Гласот за Силјановска е де факто глас за трет мандат на Ѓорге Иванов. Гласот утре задутре на парламентарни избори за Мицкоски е во суштина глас за продолжување на мандатот на овој меѓународниот апаш што избега во Будимпешта со нашите пари и ни дели лекции“, рече Пендаровски претпладнево на средба со пензионерите пред Домот на АРМ во Скопје.
На присутните тој им рече дека изборот на 21 април и 5 мај не е само избор за претседател, туку за избор на дијаметрално различен концепт од оној на ВМРО-ДПМНЕ.
„На 21 и 5 мај нема да решаваме дали само Стево ќе биде претседател или некој друг, туку ќе решаваме за концепт“, рече претседателскиот кандидат.
