Премиерот Зоран Заев категорично ја отфрла можноста да се исполни барањето на опозицијата за промена на тимот обвинители на СЈО предводен од Катица Јанева.
„ Тоа е за мене институционално прашање, од причина што навистина Катица Јанева и нејзиниот тим на обвинители, истражители и сите што работат беа во едно многу тешко време трошката надеж на враќање на правната држава, која ете почна да се враќа во нашата земја.
Јас сум убеден дека не смееме да испраќаме лоши пораки до оние кои опстоиле, пркоселе, верувајќи во државата, во системот, во уставот и законите, во тешко време. Треба да ги поддржиме нивните капацитети.
Јас ги слушам и критиките од опозицијата, и не дека немам разбирање за нив, но предностите на вака создадена институција, со овие луѓе е навистина голема предност за Северна Македонија, изјави Заев во интервју за МИА.
Премиерот вели дека треба да продолжат разговорите за СЈО, за тоа да не биде пречка за евро-атлантските интеграции.
