Косовскиот премиер најави дека на почетокот на април во Приштина ќе се одржи средба на премиерите на земјите од Западен Балкан, на која ќе биде и премиерката на Србија, Ана Брнабиќ.
Рамуш Харадинај, според приштински „Коха“, побарал од членовите на владата да одобрат средба на којја ќе бидат поканети сите регионалните лидери, како и европскиот комесар за проширувањ, Јоханес Хан.
„Сакам да ги доведам овде и да разговараме за прашања кои се важни за имплементацијата на Договорот за стабилизација и асоцијација, но и за понатамошната интеграција на Косово во Западен Балкан“, рече Харадинај.
