Портпаролот на Владата Миле Бошњаковски се најде во непријатна ситуација откако денеска во обид да демантира врска на владата со приватна компанија најави соопштение од истата фирма и практично откри дека тој или други лица во владата контактираат со спорната компанија.
,,Информацијата објавена на порталот Лидер со наслов “Заев вмрежен со рускиот бизнисмен кој финансира про-руски партии и протести!” е целосно неточна и е лажна вест. Премиерот Заев нема никаква поврзаност со компанијата од текстот. Наскоро соопштение од компанијата Секе”, напиша портпаролот на Твитер.
На овој пост Бошњаковски доби прашање како е можно тој да најави соопштение за јавност од фирма со која премиерот и Владата немаат никаква врска.
Бошњаковски се уште не реагирал на индиректното обвинување на активисти на движењето #бојкотирам на Твитер дека владата сепак им поврзаност со фирмата на Савидис.
Изјавата на владиниот портпатол е реакција на информацијата за поврзаност на владата со руско-грчкиот тајкун Савидис кој од Заев беше обвинет дека сакал да го урне договорот со Грција.
Информацијата на лидер.мк
