Српскиот претседател Александар Вучиќ се пофали дека неговата земја веќе ја надмина Бугарија во однос на просечните плати.
Во моментов во Србија платата е 424 евра. Ги престигнавме Бугарија и Босна и Херцеговина. Зад нас се Албанија и Македонија.
Следните земји се Унгарија и Романија, рече Вучиќ.
Во однос на Хрватска, српскиот претседател рече дека во 2002 година просечната плата во Хрватска изнесувала околу 700 евра, а во Србија само 146 и дека драстично е намалена разликата. Наскоро просечната плата во Србија ќе изнесува околу 465 евра, рече тој.
„Денес сме во многу добра состојба, а нашата економија напредува со постојано темпо. Ја намаливме невработеноста. Платите и пензиите се зголемуваат“, рече Вучиќ, како што пренесе PTC.
