Американскиот претседател Доналд Трамп изјави дека „не е среќен“ по најсмртоносниот руски бран напади врз Киев во последните девет месеци, велејќи му на претседателот Владимир Путин да „престане!“
Трамп во меѓувреме, се обидува да ја притисне Украина да се согласи на спорниот предлог за прекин на огнот.
Москва испрати 70 ракети и 145 беспилотни летала кон Украина, главно насочени кон Киев, во кои загинаа 12, а биле ранети над 90 лица.
„Не сум среќен од руските напади врз Киев. Не е потребно и е многу лош тајминг. Владимире, ПРЕСТАНИ!
5.000 војници умираат неделно. Ајде да го ЗАВРШИМЕ мировниот договор!“, напиша Трамп на Truth Social вчера, пренесе Си-Ен-Ен.
