Ииако Израел најави дека ќе ги отстрани сите преостанати царини за увоз од Соединетите Држави, графиконот објавен од американскиот претседател Доналд Трамп денеска покажува дека САД сепак ќе воведат царини од 17 отсто на Израел.
„Отстранувањето на царините за американските стоки е уште еден чекор кон отворање на пазарот за конкуренција, диверзификација на економијата и намалување на трошоците за живот“, рече премиерот Бенјамин Нетанјаху во заедничката изјава со министерот за економија Нир Баркат и министерот за финансии Безалел Смотрич во вторникот.
Соединетите Американски Држави се најголемиот трговски партнер на Израел и најблизок сојузник, со билатерална трговија во вредност од 34 милијарди долари во 2024 година.
Израел и САД потпишаа договор за слободна трговија пред 40 години и околу 98% од стоките од Соединетите држави досега беа ослободени од царини.
Министерството за финансии соопшти дека околу 42 милиони шекели (11,3 милиони долари) се собираат годишно од царините на увоз од САД – главно во земјоделскиот сектор.
