Дека кај некои луѓе важи народната изрека ,,Ни срам ни перде” најдобро говори примерот со Оливер Андонов познат како ,,министерот за пола ден”.
Овој некогашен член на ВМРО-ДПМНЕ кој во изминативе години додека Мицкоски беше во опозиција го навредуваше со најпогрдни и нечовечни клевети сега бара Мицкоски кој во меѓувреме стана премиер да го прими и да разговараат за стратешки интереси на Македонија.
Андонов се повикува на изјава на премиерот според која тој мислејќи на опозицијата е подготвен да седне со секого на тема државни стратегии.
,,На денешната собраниска седница Мицкоски од позицијата премиер, јавно од говорница кажа дека е подготвен со секого да разговара во врска со државните стратегии.
Доколку си стоиш на јавно искажаниот збор и јавна покана за разговор Христијан, ние како внатрепартиска фракција за демократизација и ревитализација на ВМРО-ДПМНЕ ја прифаќаме твојата покана и исто така јавно бараме да разговараме со тебе за клучните стратешки прашања на Македонија.
Сега ти си на потег да кажеш кога и каде ќе разговараме”, пишува Андоновски кој не може да формира партија а нема ни невладина организација.
