„Соработката меѓу Европската Унија и САД во справувањето со заедничките предизвици беше главна тема на денешната средба во Париз меѓу претседателката на Европската комисија Урсула фон дер Лаен и американскиот потпретседател Џеј Ди Венс.“ – пренесе белградскиот весник „Политика“.
Како што соопшти Европската комисија, на средбата Фон дер Лаен и Венс „го потврдиле значењето на односите меѓу ЕУ и САД и нивната важна улога во денешниот геополитички пејзаж“. Средбата се одржа на маргините на Самитот за иднината на вештачката интелигенција. Фон дер Лаен ја нагласила посветеноста на ЕУ за развивање на вештачката интелигенција во полза на сите, во услови на одржување отворен и конкурентен пазар.
„Претседателката фон дер Лаен ја потврди посветеноста на Европската унија кон фер трговски односи. Двете страни ја изразија својата намера да ѝ дадат приоритет на економската соработка од заеднички интерес, вклучително и за енергијата.“ – се напомнува во соопштението од средбата, на која присуствуваше и Каја Калас, високата претставничка на ЕУ за надворешни работи и безбедносна политика.
