По четири месеци бојкот на Собранието
Извршниот и Централниот комитет на ВМРО ДПМНЕ одлучиле пратениците да се вратат во законодавниот дом.
Партискиот лидер Христијан Мицковски најави дека прва точка пи враќањето на ВМРО ДПМНЕ е да поднесе интерпелација за работата на Владата.
-Оваа влада е најнеспособна од независноста на Македонија. Криминалот и корупцијата станаа заштитен белег на оваа Влада и мора да си одат. На надворешен план водат штетна политика без резултати, а на внатрешен план политика без концепт и сериозна идеја, рече Мицкоски.
Партискиот лидер рече дека биле прифатени нивните забелешки и потврди дека при крај се преговорите со СДСМ за реформските закони.
Мицкоски најави дека ВМРО ДПМНЕ бара писмена гаранција за спроведување на нивните барања и ќе ја следи имплементацијата на овие закони со активно учество во Собранието.
