Агенцијата за патна инфраструктура сноси делумна вина за трагичната несреќа на автопатот Струма во која пред четири години загинаа 45 лица од Република Северна Македонија. Ова е напишано во решение на Окружниот суд во Перник, објави бугарски „Сега“ повикувајќи се на БТА.
Според судот, АПИ е одговорна за 10% од штетите и треба да биде осудена да плати по 20.000 лева на секој од тужителите како надомест за предизвикана неимотна штета.
Исто така, се признаваат околностите дека за предметната делница не е донесен акт 16 за автопат и затоа има статус на експресен пат, бидејќи делницата беше пуштена за сообраќај во 2007 година во фаза на акт 15, се вели во судската одлука.
Во судската одлука е утврден проблем со дизајнот на патот. Попречниот наклон на кривината одговара на брзина од 90 км/ч, но нема патен знак за ограничување на брзината на потребните места, истакна судот.
Возачот го возел автобусот со 106 km/h со максимална дозволена брзина на делницата од 120 km/h.
Несреќата на АМ „Струма“ се случи нешто по 02:00 часот на 23.11.2021 година на 31. километар, кај селото Бошнек.
Туристичкиот автобус, во кој патувале 52 лица, удрил во заштитната ограда, се запалил и целосно изгорел.
Автобусот, сопственост на компанијата од Република Северна Македонија „Беса Транс“, се враќал од екскурзија од Истанбул и патувал за Скопје. Истрагата за инцидентот е доверена на Националната истражна служба. Првичните заклучоци беа дека виновен е возачот на автобусот кој возел со голема брзина, потсетува БТА.
Најчитани статии
Суми од кои што може да ви се замати во главата
