Шумските пожари во областа на Лос Анџелес предизвикаа штета од 52 до 57 милијарди долари, објави телевизијата Еј-Би-Си, цитирајќи податоци од AccuWeather.
Според информациите од локалните власти, катастрофата веќе однела животи на две лица, а има и повредени. Во Калифорнија продолжуваат да беснеат четири големи пожари. Најразорен од нив е тој во областа Палисејдс, кој уништи околу илјада згради и зафати повеќе од 2 илјади хектари. Пожарот сè уште не е локализиран.
Американската федерална управа за воздухопловство (FAA) ја прошири забраната за летови над опожарените зони. Ограничувањата сега важат за Холивуд Хилс, Калабасас, Националниот парк Санта Моника, Сенчури Сити, Палисејдс, плажата Малибу и Центарот Гети. Летовите се забранети на височина од 7 илјади стапки (околу 2,1 илјади метри) заради безбедноста на авионите вклучени во гаснењето на пожарот.
Во округот Лос Анџелес е издадена наредба за задолжителна евакуација на десетици илјади жители. Шефот на пожарникарите на округот призна дека ресурсите се дизајнирани за гаснење на еден или два големи пожара, но не и на четири одеднаш. Влошувајќи ја ситуацијата, силните ветрови привремено ги приземјија воздухопловните операции и ги оставија противпожарните хидранти нефункционални во областа Палисејдс.
Пожарите веќе се нарекуваат едни од најразорните во историјата на округот Лос Анџелес. Друг голем пожар, пожарот Итон, изгоре повеќе од 10.000 хектари во областа Алтадена и ја загрозува безбедноста на околу 13.000 згради.
