Собранието изгласа негативен извештај за Судскиот совет што значи дека членовите на Советот може да бидат разрешени.
Претседателот на Собранието, Африм Гаши, вчера рече дека негативниот извештај значи дека Собранието ги повлекува овие членови и дека може да се започнат процедури за разрешување и именување на нови членови.
Запрашан кога може да се очекува разрешувањето, Гаши рече дека тоа зависи од Комисијата за прашања на изборите и именувањата.
Станува збор за разрешување на 5 членови: Селим Адеми, Павлина Црвенковска, Весна Дамева, Миљазим Мустафа и Тања Чачарова-Илиевска.
