Двајца државјани на Република Македонија се приведени на граничниот премин Ѓуешево при обид за влез во Бугарија со камиони во кои се откриени вкупно 137,045 килограми марихуана.
На 18 декември 2024 година околу 22:30 часот на влезот за камиони на преминот Ѓуешево пристигнале две товарни композиции со македонски регистерски таблички, кои превезувале руда за Турција.
Царинските инспектори ги пренасочиле моторните возила на темелен царински преглед, со кој во приколката од втората композиција се пронајдени специјално прилагодени скривалишта – шуплини во дрвени попречни штици (хоризонтални странични прегради). Во нив се откриени 320 пакетчиња со наркотичната супстанција марихуана.
Возачите на камионите со иницијали Г.Н. и И.М. се обвинети за шверц на дрога и со уредба на надлежниот обвинител од Ќустендил им е одреден притвор до 72 часа.
