Артан Груби, поранешен вицепремиер на Северна Македонија и
Енвер Беџети, судија на Апелациониот суд се дел од најновата американска црна листа.
Двајцата луѓе блиски на Али Ахмети се дел од Црната листа за корупција објави вечерва американскиот Стејт департмент.
Согласно членот 7031(в), Стејт департментот јавно ги назначува Артан Груби и Енвер Беџети за нивна вмешаност во значителна корупција преку примање мито за поткопување на судските процеси поврзани со кривичната пресуда на Сашо Мијалков, директор на Управата за безбедност на Северна Македонија и Контраразузнавање (УБК). Мијалков беше назначен во 2022 година за значителна корупција според член 7031(в), а OFAC го санкционираше според Е.О. 14033. Како дел од оваа акција се назначени и членовите на потесното семејство на Груби, пишува во соопштението од Вашингтон.
