Таравари колабирал поради премор

По вчерашниот колапс, министерот  Арбен Таравари е во добра состојба во неговиот дом, потврдија денеска извори од Министерството за здравство за МИА.

„Министерот е во добра состојба, добар е, дома е, одмара. Тој е во најдобра можна состојба. Не е во болница, дома е. Вчера беше прво на Неврологија, па на Кардиологија, па во Рентген институтот и потоа си замина дома. Ги направивме сите можни анализи, сѐ е чисто, сѐ е добро. Просто е – премор“, појаснија од Министерството.

На страницата на „Фејсбук“ на министерот беше објавено дека тој доживеал ненадеен колапс во текот на вчерашниот ден и бил однесен во болница.

Објавата следуваше по гласини дека министерот доживеал срцев удар.