Претседателот на Украина проценува дека војната ќе заврши побрзо под американската администрација предводена од претседателот Доналд Трамп.
Тој си ги пофали своите последни контакти со републиканецот и покрај стравувањата од пад на поддршката на Вашингтон за Украина.
„Сигурно е дека војната ќе заврши побрзо со политиката на тимот што сега ќе ја води Белата куќа. Ова е нивниот пристап, нивното ветување за нивната јавност“, рече Зеленски во интервју за украински медиум.
Тој истакна дека имал „конструктивна интеракција“ со Доналд Трамп за време на нивниот телефонски разговор по победата на Трамп на претседателските избори во САД.
Доналд Трамп „ги слушна основите на кои се потпираме. Не сум слушнал ништо што е во спротивност со нашата позиција“, додаде тој.
Критички настроен кон десетици милијарди долари помош за Украина од почетокот на руската инвазија во февруари 2022 година, Трамп вети дека ќе го реши овој конфликт „во рок од 24 часа“, но никогаш не објасни како.
Во петокот тој повторно вети дека „напорно ќе работи на Русија и Украина“, бидејќи „ова мора да престане“.
Украина се плаши од слабеење на американската поддршка, во време кога нејзините трупи се борат на фронтот, или дека може да и се наметне договор што вклучува територијални отстапки за Русија.
