„Ќе се вложат 23 милиони евра за 28 спортски сали во основни училишта во целата земја. Во населените места со албанско мнозинство 14 спортски сали: 5 во Тетово, 3 во Боговиње, 2 во Сарај и по една спортска сала во Струга, Студеничани, Џепчиште и во Брвеница. Влада Вреди.“ – објави на својот фејсбук-профил Зеќирија Ибрахими, лидерот на Алтернатива, членка на коалицијата Вреди, која е дел од Владата на Република Македонија. Неговата објава ја пренесе информативниот портал на албански јазик „Алфакс“.
