Амети С., 50-годишен државјанин на Македонија од албанска националност, е приведен на граничниот премин Ѓуешево на македонско-бугарската граница по европска потерница за трговија со дрога издадена од Обвинителството во Виена, Австрија.
„Приведен е на 20 октомври 2024 година во 01:00 часот на граничниот премин Ѓуешево, при влез во државата, пристигнувајќи пеш. А.С се бара во врска со тековната кривична постапка за трговија со наркотични средства и психотропни супстанци, а за стореното дело е предвидена казна затвор до 10 години“, соопшти Окружното обвинителство од Ќустендил.
„Што се однесува до проценката на преостанатите два предуслова од чл. 64 од Законот за кривична постапка, судот смета дека постои ризик од бегство на Амети С., бидејќи ниту се тврди, ниту постојат податоци во случајот дека тој има трајно утврдена адреса на територијата на Република Бугарија. Освен тоа, истото лице изразува дефинитивна желба да ги напушти границите на Република Бугарија, со намера да прибави докази кои ќе ги потврдат неговите тврдења дека издржувал казна ‘затвор’ за истото дело. Бараниот за предавање Амети С. е осуден и се наоѓа во опасност да стори друго кривично дело“, се додава во соопштението.
