„Ахмети го свикува Претседателството на Генералниот совет на ДУИ за в понеделник, 21 октомври 2024 година во тетовска Мала Речица.“ – соопштија од партиското седиште. Од ДУИ нема детали за причината на оваа седница на партискиот врв, ниту прашањата и темите, за кои ќе се расправа. Ова го објави ТВ 21.
Пред неколку дена информативната агенција на албански јазик „Журнал“ во својата редакциска анализа со наслов „ДУИ не се откажува од протестите се уште, само го анализира моментот и капацитетите на Фронтот!“ напиша: „Сега ДУИ го враќа одржувањето протести против владата како можност, но во повнимателна форма. Таа сака прво да ги опипа пулсот на своето членство и степенот на револт, дали има расположение за протест, или не. Партијата на Али Ахмети ги анализира своите капацитети да организира протести и капацитетите на Европскиот фронт како коалиција. ДУИ треба да изанализира и да процени со какви капацитети ќе се излезе на протести и каква стратегија ќе се избере. Темите и причините, врз кои ќе се заснова повикот за протести, ги спомена генералниот секретар на ДУИ Фатон Ахмети на денот кога ‘ги набројуваше неуспесите на владата’.“
Дали најавените протести ќе бидат дел од расправата и договарањата за активностите на ДУИ, што ќе уследат во наредниов период?
