Професорката Мирјана Најчевска ја коментира изјавата на лидерот на БЕСА, Билал Касами дека банкнотите ќе бидат двојазични.
Таа додава дека на граѓаните им треба стандард, сигурност, чиста вода и воздух.
Банкнотите на оваа земја ќе бидат и на албански јазик, најавува Билал Касами од БЕСА.
„Талат Џафери ги испраќаше документите до пратениците на македонски јазик, Африм Гаши денеска ги испраќа и на албански јазик до сите пратеници. Двојазична комуникација не постоеше во времето на Талат Џафери, а сега ја има во времето на Африм Гаши“, рече лидерот на Беса и тетовски градоначалник Биљал Касами вечерва во гостување на ТВ21.
Тој oбјасни дека ќе се менуваат и други закони, меѓу кои и Законот за Народната банка, а со измените, рече дека ќе се овозможи употреба на албанскиот јазик на банкнотите.
