Премиерот Еди Рама вели дека сака да им даде на членовите на Бекташите, шиитскиот суфиски ред, нивна енклавапо по примерот на Ватикан како начин за промовирање на верска толеранција.
„Суверена држава од редот Бекташи“ ќе стане најмалата држава на светот, само една четвртина од големината на Ватикан.
Земјата со територија од 10 хектари ќе има своја управа, пасоши и граници.
Њујорк тајмс објави дека албанскиот премиер Еди Рама ќе ги објави плановите за суверена микродржава во нејзиниот главен град Тирана, која ќе ги следи практиките на Редот Бекташи – шиитски суфиски ред основан во 13 век во Турција, пишува Њујорк Тајмс
Новата држава ќе дозволи алкохол, ќе им дозволи на жените да носат што сакаат и нема да наметнуваат правила на живот, како одраз на толерантни практики на Бекташискиот ред. Рама рече дека целта на новата држава е да промовира толерантна верзија на исламот со која Албанија се гордее.
„Треба да се грижиме за ова богатство, кое е религиозна толеранција и која никогаш не треба да ја земаме здраво за готово“, изјави тој за Њујорк Тајмс.
Историјата на Бекташите датира од Отоманската империја во 13 век, но пред речиси еден век, седиштето на Редот се преселило во Тирана, откако Мустафа Кемал Ататурк, основачот на Турската Република, ги избркал од Турција.
Тим експерти работи на легислатива што го дефинира суверениот статус на новата држава во Албанија. Владејачката Социјалистичка партија на Рама, исто така, ќе треба да го поддржи.
Баба Монди треба да биде водач на суверената држава на редот Бекташи.
Тој изрази надеж дека САД и другите западни сили ќе го признаат суверенитетот на неговата држава. „Ние заслужуваме држава“, изјави тој за Њујорк Тајмс.
