Претставници на ДУИ и ВРЕДИ остварија одвоени средби со високи претставници на американските организатори ИРИ во Скопје.
Од ВРЕДИ соопштија дека… „Во канцелариите на американската организација ИРИ во Скопје, лидерите на коалицијата одржаа многу важна средба со директорот за Европа, г. Пол Мекарти и директорот за Албанија и Македонија, г. Џон Флухарти.
На оваа средба се разговараше за клучните прашања за евроинтеграциите, неопходните реформи, владеењето на правото и бескомпромисната борба против корупцијата. Беше нагласена важноста од блиската соработка со ИРИ за забрзување на интегративните процеси и зајакнување на нашите институции. Коалицијата ВЛЕН се залага за реализација на овие цели и за унапредување на напредокот во земјата и регионот”.
Артан Груби од ДУИ на Фејсбук објави дека на средбата на претставниците на ДУИ со претставници на американската организација ИРИ се разговарало за истите теми, но и за легитимноста, почитувањето на Охридскиот договор и Законот за јазиците.
„Денеска заедно со Арбр и Јетон во канцелариите на американската организација ИРИ во Скопје се сретнавме со г. Пол Мекарти, директор за Европа, г. Џон Флухарти, директор за Албанија и Северна Македонија и г-ѓа Илина Мангова.
Заедно разговаравме за евроинтеграциите, легитимитетот, почитувањето на Охридскиот договор, реформите, ветингот и владеењето на правото, соработката со ИРИ, законот за албанскиот јазик итн.
Легитимитетот потекнува од волјата на народот на изборите и потоа мора да се одрази во институциите кои се формираат како резултат на изборите.
Се соочуваме со Владата со моноетнички легитимитет која не ја почитува волјата на Албанците и секојдневно ја нарушува рамноправноста и Охридскиот договор, а од неодамна и албанскиот јазик“. Телеграфи
