Американскиот претседател Џо Бајден, кој одлучи да се повлече од изборната трка за уште еден мандат, изјави дека ќе продолжи да ја извршува претседателската функција.
Изјавата е објавена на социјалната мрежа X.
Претходно, Републиканската партија соопшти дека Бајден треба да поднесе оставка по неговата одлука да се повлече од номинацијата на изборите.
Претседателот на Претставничкиот дом на САД, републиканецот Мајк Џонсон изјави дека претседателот Џо Бајден треба да поднесе оставка веднаш по неговата одлука да ја повлече својата кандидатура за реизбор, објави АП.
„Ако Џо Бајден не е способен да се кандидира за претседател, тој не е способен да ја извршува функцијата претседател“, тврди Мајк Џонсон.
Претходно прес-службата на Белата куќа ја отфрли можноста за предвремена оставка.
Во овјавата Бајден вели дека се посветил на претседателството и дека ќе продолжи да го прави тоа „денес, утре и секој ден“ да биде американски претседател.
На 21 јули Бајден објави дека се повлекува од трката за претседател, објаснувајќи дека тоа го прави во интерес на неговата партија и на земјата.
На повлекувањето на шефот на државата му претходеа повеќенеделна дискусија за негова замена како кандидат на Демократската партија поради неговата возраст (81) и сомневањата за неговите здравствени проблеми и неуспешна дебата со поранешниот претседател, републикански кандидат. Доналд Трамп.
Демократски претседателски кандидат сега најверојатно ќе биде потпретседателката на САД, Камала Харис а конечна одлука се очекува да биде донесена на Конвенцијата на демократската партија на 19-22 август.
