Северна Кореја одново лансираше балони за кои се верува дека носат ѓубре кон Јужна Кореја, соопшти денеска јужнокорејската војска.
На граѓаните им се советува да не допираат балони, туку да ги пријавуваат локациите на војската или полицијата, соопшти Здружениот началник на Генералштабот на Јужна Кореја (JCS).
Јужна Кореја нападната со балони со измет и ѓубре
Северна Кореја во десет наврати испрати повеќе од 2.000 балони полни со ѓубре во Јужна Кореја како одмазда за летоците против Пјонгјанг испратени на север од севернокорејски дезертери во Јужна Кореја.
Јужна Кореја ја продолжи пропагандата преку звучници кон Северна Кореја во четвртокот.
Северна Кореја негодува од кампањата со звучници и летоци, плашејќи се дека протокот на надворешни информации може да претставува закана за режимот на Ким Џонг-ун.
