Холивудскиот актер и истакнат спонзор на Демократската партија јавно побара актуелниот претседател Џо Бајден да се откаже од претседателската трка.
Џорџ Клуни вели дека претседателот има добиено многу битки во својата кариера, „но единствената битка што не може да ја добие е борбата со времето“.
Неговите коментари дојдоа откако поранешната претседателка на Претставничкиот дом, Ненси Пелоси, се приклучи на зголемената вознемиреност во партијата, велејќи дека времето „истекува“ за Бајден да одлучи дали да остане во трката против Доналд Трамп по неговата катастрофална дебата.
Клуни дури напиша авторски текст за „Њујорк тајмс“ во кој истакна дека е „погубно да се каже ова, но господинот Бајден со кој се сретна на настанот за собирање средства пред три недели не е истиот Џо Бајден од 2010 година“. Тој не беше ниту Џо Бајден од 2020 година“.
Тој беше истиот тип на кој сите бевме сведоци на дебатата“, напиша Клуни.
„Нашите партиски лидери треба да престанат да ни кажуваат дека 51 милион луѓе не го виделе она што ние тукушто го видовме.
Клуни додава дека „Се работи за возраста. Ништо повеќе“… „Нема да победиме во ноември со овој претседател“.
