Вицепремиерот Изет Меџити не смета дека премиерот Христијан Мицкоски ги отстранува Албанците во меѓународното претставување на државата. Меџити рече дека претставник на Самитот на НАТО е и првиот човек на Собранието Африм Гаши. Тој најави уште две посети на главните градови на Европа, каде што ќе има претставници од коалицијата Вреди. Ова го објави ТВ 21.
ТВ 21 ја цитира изјавата на Меџити, дадена во овој контекст: „Обвинувањето на Европскиот фронт не држи. Во политичките посети, што ќе следат, во Лондон ќе бидеме јас и Мицкоски, а во Брисел Мицкоски ќе биде со Муртезани, зависно од политичките агенди.“
