Во Вила Водно претседателката Гордана Сиљановска Давкова му го врачи мандатот за состав на новата Влада на претседателот на ВМРО ДПМНЕ Христијан Мицкоски.
“Претседателот на ВМРО ДПМНЕ има сериозна можност да формира Влада. Со сигурност, верувам дека чекорот што го превземам и доверувањето на мандатот за состав на владата е вистински правен и политички чекор” истакна претседателката Гордана Сиљановска Давкова.
Откако Мицкоски го доби мандатот, следуваше тет-а-тет средба со претседателката.
Со врачувањето на мандатот почнуваат да течат 20 дена за формирање нова Влада.
ВМРО-ДПМНЕ на парламентарните избори на 8-ми мај освои 58 мандати, коалицијата ВРЕДИ 14, а ЗНАМ 6 мандати.
Од партијата на Мицкоски посочуваат дека новата Влада ќе биде формирана согласно со уставните рокови.
