Турскиот претседател Реџеп Таип Ердоган е најпочитуваниот лидер меѓу граѓаните на Западен Балкан, покажува истражувањето на Меѓународниот републикански институт ИРИ спроведено во Албанија, Босна и Херцеговина, Црна Гора, Македонија, Србија и Косово.
На прашањето „Кој од следните светски и регионални лидери го оценувате позитивно? – анкетата покажа дека на Ердоган му се восхитуваат во Албанија, Босна и Херцеговина, Црна Гора и во Македонија.
Во Албанија, 71 отсто од анкетираните граѓани се изјасниле дека имаат позитивно мислење за претседателот Ердоган, по што следи американскиот претседател Џо Бајден со 64 отсто и кинескиот претседател Си Џинпинг на трето место со 14 отсто.
Во Босна и Херцеговина, 61 отсто од испитаниците на истото прашање имаат позитивно мислење за работата на Ердоган, додека рускиот претседател Владимир Путин, американскиот претседател Бајден и кинескиот претседател Кси остануваат со по 37 отсто.
Во Црна Гора Ердоган е на прво место со 56%, Путин на второ место со 50%, а Си на трето место со 46%.
Во Македонија, Ердоган повторно е најпочитуван лидер со 66%, следен од Путин со 49%, Бајден со 37% и Си со 35%.
Во Србија, Путин е најпочитуван лидер со 80 отсто, Си е втор со 73 отсто, а претседателот Ердоган е трет со 41 отсто.
Во Косово, Бајден е најпочитуван лидер со 85%, а Ердоган е втор со 82%. БГНЕС
